Со цел да ја почувствувате атмосферата која владее во Александрија а воедно и да добиете одговор на сите Ваши прашања, Ве покануваме да присуствувате на некој од Отворените Денови на Академијата на ИТ.

Отворени Денови се одржуваат секој понеделник и четврток се’ до крајот на септември, со почеток во 19:00 часот и со траење од околу 1 час. Овој настан опфаќа две презентации.

Првата презентација се однесува на Академијата на ИТ, нејзината поставеност во образовниот систем, релациите со македонската ИТ индустрија и се’ што е заедничко за сите студиски програми. Втората презентација е тематска, односно се однесува на одредена студиска програма.

Презентациите ги водат инструктори од нашата Академија и се можност од прва рака да се запознаете со детали кои се однесуваат на наставната програма, испитите, вежбите, проектите, професионалните пракси како и перспективите кои ги нуди овој начин на школување.

По завршувањето на презентациите следува интерактивен дел на кој учествувате и Вие со Ваши прашања.

Чувствувајте се слободни со себе да донесете свој придружник (другар, пријател, родител...) на овој настан. Влезот на Отворените Денови е слободен, но во Ваш интерес е претходно да го најавите Вашето доаѓање за да можеме да го обезбедиме соодветниот инструктор за втората (тематска) презентација.