По долгогодишно студирање на државниот Универзитет во Скопје, поточно на Архитектонскиот Факултет, решив да направам мала пауза, во која, ми беше целта да пробам да работам и да заработам. Во меѓувреме работев на повеќе места, се дружев со разни луѓе, но не беше тоа што јас го барав за мене.
Незнам како дојдов во контакт со еден флаер, на кој што пишуваше “Едногодишно студирање со кое се здобивате со светски признати сертификати”, беше некако во тој стил напишано, не се сеќавам точно. Стануваше збор за Академијата на ИТ Александрjа. Сето тоа што го прочитав многу ме заинтересира и решив да се запишам. Се разбира, немав доволно средства за да ги покријам сите тие трошоци, па ги прашав моите родители дали ќе можат да ми помогнат, со тоа што ќе инвестираат во мене и во мојата иднина. Се согласија.

Првото искуство и впечаток што го воочив, беше начинот на комуникација помеѓу вработените и професорите со студентите кои веќе беа запишани на Академијата. Студиите беа прекрасни, професорите исто така, и најважно од се околината и условите во кои што работевме и се дружевме беа исто така одлични.
Се здобив со одредени сертификати, кои верувајте, многу ми помогнаа во понатамошната соработка со повеќе компании, меѓу кои Рамсторе, Елка интернационал, Клинички центар и многу други. Во моментов работам во Fashion Group како графички дизајнер, компанија која се занимава со продажба на текстил од повеќе модни брендови како Timberland, Hugo Boss, Energy, Miss Sixty и многу други.
Според мене, за сето тоа се погрижи Александрија. Ми овозможи бројни контакти за работни места преку кои, бирајќи ги, стигнав до овде каде што сум. Моментално сум задоволен од мојата работа и работното место и очекувам во иднина професионално да напредувам.

Им препорачувам на сите оние кои размислуваат за студирање, да ги разгледаат можностите во Академијата на ИТ Александрија. Има отворено и нови студиски програми, за што потполно ги подржувам и им посакувам голем успех, како на нив така и на вас, новите студенти.

  Радмила Симеонова, A+ Professional, Network+ Professional, Security+ Professional, MCP, MCSA, MCSE, CCNA
студиска програма: мрежен инженер
учебна година: 2004/2005, 2005/2006

Се одлучив да студирам во Александрија бидејќи се става акцент на практичната настава и поради светски признатите ИТ сертификати кои ги стекнав благодарение на знаењето кое ми го пружи Академијата. Професорите ни посветуваа големо внимание во врска со учењето, несебично ни помагаа при секакви тешкотии за разбирање на материјалот и со тоа ни овозможуваа да бидеме 100% подготвени пред да се појавиме на испит.
Пред да се запишам на Академијата на ИТ студирав на Универзитетот „Св. Кирил и Методиј“ на Природно-Математичкиот Факултет, но се префрлив на Академијата бидејќи имав многу поголема потреба од практично знаење поврзано со најновите трендови во областа на Информатичката Технологија.

За време на студиите особен впечаток ми остави тоа што студентите беа доста дружљубиви и си помагаа меѓусебно, односот професор-студент беше сведен на пријателски однос, а тоа дополнително ја олеснуваше атмосферата за учење и работење.

Веднаш откако ја завршив Академијата се вработив во компанијата за автомобилска индустрија „Ruen International Technologies” како мрежен администратор. Мојот вообичаен работен ден беше исполнет со решавање на мрежни проблеми, администрирање на корисниците и грижа за безбедност на податоците.

Редовно добивам новости во врска со отворени работни места, со што се покажува дека Александрија се грижи за студентите и по нивното завршување на студиите и тоа навистина ми значи. Би им препорачала на идните студенти да не се двоумат туку да го направат вистинскиот избор и да го изберат патот на светски признатите ИТ професионалци, а тоа е Академијата за ИТ – Александрија.

  Лазе Милошевски, A+ Professional, Network+ Professional, MCP, MCSA, MCDBA, MCSE, CCNA
студиска програма: мрежен инженер
учебна година: 2005/2006, 2006/2007

На Академијата на ИТ Александрија се запишав во учебната 2005/2006 а мојата определба беа студиите за компјутерски мрежи. Пресудно да се запишам на Академијата беа големиот фонд на часови наменети за практични вежби, работењето на оригинална опрема од светски производители како и светски признатите сертификати. Разликата со другите факултети е во тоа што повеќе се обрнува внимание на практичната работа која е многу важна за успешно справување со реалните проблеми на работното место во иднина. Исто така, малите групи на студенти овозможуваат подобро следење на наставата, што пред се’ значи подобра комуникација на студентот со инструкторот и самостојно изработување на практичните задачи без делење на опремата со други студенти. Би го спомнал и начинот на полагање на испитите, каде што по завршувањето на испитот веднаш се добива резултат дали студентот положил или не. Со начинот на полагање кој е спроведен на Академијата се избегнува можноста испитот да биде положен со “врски” или подмитување на инструкторот бидејќи се полага на компјутер и студентот го добива резултатот по самото завршување на полагањето. Голем впечаток ми оставија и инструкторите кои несебично го пренесуваа своето знаење и искуство на студентите.

По завршувањето на студиите, по препорака на Академијата се вработив во Он.нет. Заедно со тимот со кој работев им помагамвме на корисниците во решавањето на проблемите со кои секодневно се соочуваат при користење на најголемата глобална мрежа во денешно време.

По една година помината во Он.нет, решив да се вратам во родниот град Гевгелија и моментално работам во Hotel & Casino Apollonia. Работниот ден ми поминува во одржување и проверка на компјутерската мрежа, како и во секојдневното помагање на колегите кои се соочуваат со проблеми од мојот домен.

Одлична работа е тоа што и по завршувањето на студиите Академијата не ги заборава своите студенти. Тоа го покажува со редовно испраќање на информации за секое отворено работно место за кое компаниите побарале стручен кадар од неа. Исто така, редовно сме информирани и за новите курсеви и сертификати со кои можеме да го надградиме веќе стекнатото знаење.
За крај на идните студенти би им препорачал да продолжат на Академијата на ИТ, да инвестираат во своето образование и знаење бидејќи еден ден тоа повеќекратно ќе им врати со што ќе можат да ги остварат своите цели и професионално да напредуваат.

  Александар Пеовски, ACE for Photoshop CS3, ACE for Illustrator CS3, ACE for InDesign CS3
студиска програма: графички дизајнер
учебна година: 2007-2008

На Академијата на ИТ се запишав во учебната 2007-2008 година на студиската програма за графички дизајн.
Одсекогаш ме привлекувале уметноста, цртањето, креативноста, а воедно и компјутерите. Токму поради овие афинитети кои се дел од графичкиот дизајн, се одлучив да се запишам на Академијата на ИТ, за да најдобро го стекнам тоа знаење, знаејќи дека овој вид на образование е многу редок во нашата земја.
Претходно студирав на Електротехничкиот факултет во Скопје, а се префрлив на Академијата на ИТ поради застарениот систем на работа на факултетот, учење на предмети кои не се потребни за насоката која ја имав одбрано и недоволно практична работа.
Најголем впечаток за време на студиите ми остави стручниот кадар кој што ја вршеше обуката, комуникацијата со студентите и работната атмосфера, најголемиот дел од наставата беше практичен  што многу ми помогна во сегашната работа. др.
Моментално работам во графичкиот центар Bato & Divajn, како графички дизајнер. Моето работно време е од 8.30 до 16.30 часот, со организиран превоз од самата фирма. Најчесто се изработуваат целосни дизајни, подотовки за печат, уредување на каталози, списанија и др.

За оваа моја позиција најверојатно најмногу се заслужни студиите на Академијата на ИТ, поради тоа што во александрија го стекнав најголемиот дел од моето знаење во оваа област, како и праксата со која се здобив, а денес ја употребувам на работното место.

Понуди од Академијата на ИТ ми стигаат често и тоа многу ми значи бидејќи Александрија продолжи да се грижи за студентите и по нивното завршување на студиите.
На идните студенти би им препорачал доколку имаат можност, а ги привлекува некоја професија што ја нуди Академијата на ИТ, да не се двоумат во изборот, да се запишат во Александрија бидејќи ќе се стекнат со големо знаење и професионално образование.

  Даниел Јанев, A+ Professional, CIW Associate, ACE for Photoshop CS2, ACE for Illustrator CS2
студиска програма: веб дизајнер
учебна година: 2006-2007

На Академијата на ИТ се запишав во 2006 - 2007 година, на студиската програма за веб дизајн. Иако претходно студирав, т.е. дипломирав на Филолошкиот факултет на катедрата за Англиски јазик и книжевност, се одлучив да се запишам токму во Александрија затоа што ми требаа специјалистични студии и образование насочено токму кон одредена област од ИТ технологијата, а истовремено здобивање со меѓународно признати сертификати. Во струката во која што дипломирав се’ поретко работам, едноставно повеќе се наоѓам себе си во графичкиот и веб дизајн, покреативно е и полесно можам да изградам кариера.
Она што од првиот ден на студирањето во Александрија ми остави посебен впечаток беше добриот пристап на инструкторите, секогаш спремни да помогнат. Втор многу битен факт беше учењето по нова и постојано update-ирана програма, а не некоја застарена. Но најбитно од се’ беше тоа што наставата не беше само теорија туку имаше секојдневна практична работа со која можеш лесно да се вклопиш на идното работно место.

Инаку, во моментов работам во “Пристоп МК” како графички и веб дизајнер. Од аспект на графичкиот дизајн изработувам layout-и, дизајнирам логоа и правам подготовка за печатење, додека од аспект на веб дизајнот креирам, поставувам и администрирам веб страни со HTML, CSS како и едноставни флеш веб страни, флеш банери и сл.

Се’ почесто наоѓам работа и преку Интернет, за клиенти и компании од стрaнство, и работата како freelancer ми дава поголема слобода на изразување. Во план ми е оваа или наредната година да продолжам со специјализирање на 3Д дизајн и анимација, како и полагање на Flash испитот од Adobe.

Околу вработувањето, би рекол дека практичното и теоретско знаење стекнато во Александрија, ако може грубо да се измери, ми помогна околу 70% да ја најдам сегашнава работа а останатите 30% се мојата воља и желбата да продолжам во таа насока.

Иако работата не ја најдов преку Александрија, многу ми значи што и по завршување на студиите,  Александрија продолжи да комуницира со мене преку честите мејлови за отворени работни места со што покажува грижа за своите бивши студенти.
И за на крај на сите оние кое сеуште размислуваат каде да го продолжат школувањето или се двоумат дали да се запишат во Александрија, би им препорачал дека нема што да загубат. Мислам дека ова е најдобра можна инвестиција, која сигурно се исплаќа.

  Дарко Наумоски, A+ Professional, Network+ Professional, Linux+ Professional, Security+ Professional, MCP, MCTS SQL2005, MCSA, MCSE, CCNA, CIW Associate, CIW Professional, Master CIW Web Site Manager, Nortel BCM

студиска програма: Мрежен инженер
учебна година: 2003/2004-2004/2005

Јас бев студент во првата генерација двегодишни студии во Академијата на ИТ Александрија, на студиската програма мрежен инженер. Претходно бев студент на факултет, но набрзо сфатив дека повеќе сакам да студирам во поинаква образовна институција. Повеќе ме интересираа конкретни знаења од најновите технологии во областа на ИТ, отколу пошироки академски знаења и немање на практично искуство. Едноставниот и прифатлив систем на оценување, етиката и сериозниот приод кон студиите и условите за студирање беа дел од причините за да се запишам во Александрија. Имав можност сето она што го учев теоретски да го применам и практично низ разни лабораториски вежби кои отсликуваа реални сценарија, не само теорија.

Со други зборови, во Александрија студиите беа конкретни. Се изучуваа компјутерски мрежи и сите други предмети беа поврзани со таа насока, додека на факултетот имаше предмети кои воопшто не се вклопуваа во наставната програма и непотребно го оптоваруваа студирањето. Лабораториските вежби, како и можноста за пракса за време на студиите беа вистинска промена од стандардниот начин на студирање. Начинот на оценување, односно полагање на испитите исто така беше голема промена. Тука бев сигурен дека моето знаење ќе биде објективно оценето и нема да зависи од никого освен од мене. Професорите беа ИТ професионалци кои ги имаа поминато студиските програми на Microsoft, Cisco, CompTIA, а воедно зад себе имаа огромно искуство во ИТ областа. Беа професионалци во своите области и имаше што да се научи од нив. Не беа само теоретичари. Своето искуство несебично го делеа со студентите, што беше од големо значење за нас како студенти во нашиот развој како ИТ професионалци. Беше задоволство да се учи од нив.

Веднаш по завршувањето на студиите се вработив во реномирана ИТ компанија, на работно место ICT Специјалист и после извесен период бев тим лидер на Nortel Sales and Services тимот. Го работев она што го студирав, администрирање на мрежи, а во меѓувреме и напредував и во областа на комуникациите.
Во компанијата во која работев, се следеа светските трендови и особено се ценеше самоиницијативноста и постојаното усовршување на вработените. ИТ професионалците мора постојано да се во чекор со новите техонологии. ИТ е област која постојано се надградува и напредува. Знаењето кое го стекнав ме подготви за предизвиците во работата и претставува незаменливо искуство кое е значајно во понатамошниот тек за кариерата на секој ИТ професионалец.

После 2 и пол години работно искуство се одлучив да започнам сопствен бизнис во областа на ИКТ технологиите.
За моето вработување, во голем дел заслуга имаат студиите на Академијата на ИТ.

Друга работа што е за голема пофалба и од која сум позитивно изненаден е комуникацијата со Академијата на ИТ по завршувањето на моите студии. Сеуште се чувствувам како да сум дел од семејството на Академијата. Комуницирам со колегите, професорите, вработените и сите се секогаш спремни да ми излезат во пресрет за било кое барање. По завршувањето постојано бев известуван за вработувања во реномирани компании. Од особено значење за секој студент е кога знае дека по завршувањето на студиите не завршува комуникацијата со Академијата. Таа и понатаму се грижи за своите студенти и е спремна да им помогне. И понатаму често поминувам во Академијата да ги посетам моите пријатели кои ги стекнав во текот на студиите.

  Јакуп Јакупи, A+ Professional, Network+ Professional, Security+ Professional, MCP, MCSA, MCDBA, MCSE
студиска програма:  мрежен инженер         
учебна година: 2005/2006-2006/2007

На Академијата на ИТ се запишав во учебната 2005/2006 година, на студиската програма за Мрежен инженер.
За овој тип на студии се информирав првично преку веб страната на Александрија, а потоа преку пријатели, успеав да добијам дополнителни информации за професорите и за програмата, и сите коментари и моите впечатоци беа позитивни, што придонесе да го направам овој избор.
За разлика од мене, многу од моите колеги во Александрија , имаа предходно студирано на некој факултет. Мојот прв избор беше Александрија а по завршување на две годишните студии, во периодот додека барав работа, се запишав на факултет. Тоа ми помогна  да ја видам големата разлика за која зборуваа моите колеги. Знаењето стекнато во Александрија го користам 100% во реалниот живот, за разлика од тоа што се предава на факултет, за што можам да кажам дека е само 10% веднаш применливо. Ова што го кажувам јас можете да го прочитате и на многу форуми....

Општиот впечаток од 2-те години поминати во Александрија е на прво место пријатната атмосфера и здравата и отворена комуникација и пријателство со професорите, но, и со администрацијата, понатаму, практичната работа и обезбедената пракса во ИТ компании.

Во моментов работам во GUDALT D.O.O, во Гостивар, како assistant IT Manager, и многу сум задоволен од работата, а пред се’ од сознанието дека знаењето и праксата што успеав да го стекнам за време на студиите максимално можам да го искористам за сите активности врзани со моето работно место. И слободно можам да кажам дека за оваа моја позиција 100% се заслужни студиите во Александрија.
И да завршам со препорака, потенцијалните студенти нека се запишат во Александрија со сета сигурност дека таму ќе го стекнат потребното знаење, и теоретско и практично, неопходна во иднина да работат како ИТ професионалци.

  Владимир Рунчев, A+ Professional, Network+ Professional, Security+ Professional, MCP, MCSA, MCDBA, MCSE, CCNA
студиска програма:  Мрежен инженер      
учебна година: 2006/2007-2007/2008

На Академијата на ИТ се запишав во учебната 2006/2007 година. Студирав на катедрата за Компјутерски мрежи. Претходно бев запишан на Техничкиот факултет во Битола, меѓутоа не бев задоволен од понуденото таму, додека програмата на Академијата на ИТ, според тогашниот Водич низ студии, ми се виде доста интересна пред се’ поради понапредниот начин на предавање и праксата вклучена после секое предавање. Како што споменав претходно не бев задоволен од класичното образование на факултет, барав нешто конкретно, нешто од што ќе можам веднаш да го применам стекнатото знаење при работата. Факултетот едноставно не можеше тоа да ми го понуди.

За време на студирањето највеќе ми остави впечаток некласичниот однос инструктор/студент. Тоа беа пред се’ млади луѓе, како мене. И нормално праксата, работата во мали групи, можноста да се работи со секој студент поединечно, со тоа што директно му се овозможува на студентот да научи повеќе.

Моментално работам во СофтНЕТ ЕУ, како Мрежен инженер. Мојата фирма е нов Интернет провајдер на пазарот во Македонија. Нашата работа подразбира нудење интернет пристап, исклучиво на деловни корисници преку закупена линија, VPN, VoIP итн. Мојата задача конкретно е одржувањето на активната опрема: Cisco рутери и свичеви. Работата како мрежен инженер се состои од секојдневно надгледување на опремата, прегледување на log фајловите (информациите) што секој уред ги генерира, проактивен мониторинг на нашиот интернет капацитет итн. Во друга фирма фигурирам како надворешен соработник, бидејќи фирмата имаше потреба од лице со сертификатот Microsoft Certified System Engineer(MCSE), за унапредување на својот статус, кој го стекнав при студирањето.

Колку се студиите на Академијата заслужни за моето работно место? Па јас би рекол 100%. Кога бев на интервју за работа прашањата што ми ги поставија беа од технички аспект, ја проверуваа мојата запознаеност со Cisco мрежните уреди. А знаењето за тоа го добив токму на Академијата, преку Cisco Networking Academy програмата што таа ја спроведува и е дел од наставата.

На идните студенти би им препорачал да се запишат на Академијата доколку сакаат да научат нешто конкретно, нешто што ќе го работат после дипломирање и ќе се стекнат со сертификати кои ги бара пазарот на Информатичка технологија. Студирањето е забавно, дружбата/односот со сите во Александрија е на високо ниво. Затоа направете го вистинскиот избор.

  Милован Костадиновиќ
студиска програма:  Графички дизајнер      
учебна година: 2005/2006

На Академијата на ИТ се запишав во учебната 2005 година на студиската програма за Графички дизајн.
Веднаш ќе почнам со првиот впечаток што го добив за Александрија и кој го задржав за цело време на студиите, опуштена атмосфера, релаксирано студирање но со многу работа, учење комбинирано со многу практична примери и вежби, и можност многу бргу да стекнеш сигурност дека си навистина способен нешто да изработиш. Не е како на државните факултети, само  теорија и група предмети кои не ја опфаќаат одбраната насока и на поголемиот дел од нив никогаш нема да им најдеме примена, за да после дипломирање пак одиме на практично обучување и студирањето да трае 7 години, кога може да биде за 2-3 годишно со учење на тоа што сме го одбрале.

Претходно бев запишан на Електро-техничкиот факултет, но, во Александрија се префрлив веднаш после првиот семестар. На факултет се учат работи и кои ти требаат и кои не ти требаат и претпоставувам дека е така и на сите други државни факултети. Теорија има толку многу што и ако ја научиш целата, нема да имаш време до крајот на животот да ја примениш. Таканаречената пракса е буквално мизерна, тоа што го работевме на лабораториските вежби по Основи на Електротехника, сум го работел додека бев во основно и средно училиште и зарем на факултет да учиме основи во некоја област и тоа во таква форма што ни од одалеку не изгледа така!? Народски кажано, треба да ни дадат малку да копаме за да видиме како се копа, а не да не држат на страна кажувајќи ни  “гледајте како се копа“.

Нешто околу испитите, многу добро е што се полагаат onLine,  а не пред професор. Нема кого да подмитиш за да положиш или пак некој да те бутне зашто така му е ќефот. Кога ќе излезеш од Академијата на ИТ или навистина знаеш или немаш диплома. Да не заплашувам со ова, не е така сурово, но треба да си знаеш за да положиш! На крај од студиите Академијата обезбедува пракса по одредени фирми, зависно од насоката која ја студираш и ако се покажеш како добар и ако сакаш, остануваш таму да работиш.

Моментално предавам Adobe Photoshop, во мојот роден град Куманово. Постои позитивна работна атмосфера, исто како да си на некој приватен час, само обратно, ти си тој што предава знаење. Навистина, задоволен сум со моменталната работна позиција и што е многу битно, работата е навистина. Без студиите во Александрија, не знам каде би работел сега и дали воопшто би работел, не е лесно да почнеш да предаваш на 23 години и тешко дека ќе го постигнв тоа на друго место, во реални услови.

Што се однесува до поддршката од Академијата на ИТ, иако сум вработен сеуште ми пристигаат е-mail-и за понуда за работа на одредено место и доколку сум заинтересирам, аплицирам за одредена позиција. Така можам да одам напред и напред со понуди за нови работни места.

На потенцијалните студенти  би им кажал дека ако навистина сакаат  да научат нешто на што ќе му најдат примена без додатни, “непотребни” предмети и да излезат пред работодавецот обучени и способни за работа, мојата препорака е Александрија, Аакадемија на ИТ.

  Ирина Максимоска, ACE for Photoshop CS2, ACE for InDesign CS2, ACE for Acrobat
студиска програма:  Графички дизајнер         
учебна година: 2005/2006

На Академијата на ИТ се запишав во учебната 2005 година на студиите за Графички дизајн. Се одлучив да студирам на Александрија поради можноста да стекнам меѓународно признати сертификати и конкретно и практично знаење за студиската област што ја одбрав. Осебен впечаток за време на студиите во Александрија ми остави тоа што се посветува максимално внимание на односот со студентите и нивните потреби во врка со наставата, се нуди сета опрема што им е потребна и односот со професорите и воопшто вработените во
Александрија е пред се пријателски.

Во мометов работам како графички дизајнер во “ПроДизајн”, дизајнирајќи графички рекламен материјал и подготвувајќи го истиот за печат, и секојдневно остварувам професионална комуникација со многу клиенти на кои им ги нудиме нашите услуги.

За мојата сегашна позиција можам да кажам дека Александрија е 80 % заслужна давајќи ми пред се’ практично знаење, како и насоки кон тоа што значи да се биде ИТ професионалец, а останатото е мојата упорност и креативност.
Исто така, грижата на Александрија за студентите по завршувањето на студиите ми значи многу и многу сум задоволна, a со тоа уште еднаш се потврдува колку Александрија е професионално наклонети кон своитестуденти.

На идните студенти би им препорачала ако планираат да влезат во компјутерскиот свет и да се занимаваат со информатичката технологија да ја изберат Александрија за водич кон понатамошната кариера и нема да зажалат, бидејќи квалитетот на студиите, грижата и посветеност кон студентите е на високо ниво. Jас сум навистина задоволна и верувам дека ќе бидат и тие доколку се спремни на одговорно учење и посветеност кон тоа што сакаат да го работат.

  Драган Митиќ, A+ Professional, Network+ Professional, Linux + Professional, MCP
студиска програма: Мрежен администратор 
учебна година: 2004/2005

Во Александрија се запишав на 2 годишни студии за Мрежен инженер во 2004 година од една многу јака причина, стекнување на признаени сертификати и ИТ обука според врвни стандарди. Се’ што очекував и добив, професионална обука од страна на инструкторот, добри услови за настава и добра атмосфера додека траеше наставата.
Сега работам во "Кејблтел" на работно место Администратор, мојот работен ден е секогаш различен зависно од тоа какви работни активности се јавуваат и сл, но, во глобала си ја сакам својата работа и секој ден учам од новите предизвици.

Секако дека студиите во Александрија се заслужни заради тоа што ми ја дадоа правата насока во градење на мојата работна кариера.
Понуди за отворени работни места добивам редовно, грижата и подршката од страна на Академијата секогаш била на одлично ниво.

На сите потенцијални студенти на Александрија би им препорачал, “доколку се определувате за професионална обука во ИТ секторот, Академијата на ИТ Александрија е вашиот прав избор”.

  Ивица Мартиновски, A+ Professional, MCP, MCSA, MCSE
студиска програма: мрежен инженер
учебна година:2005/2006

Отсекогаш сум сакал да студирам нешто што се разликува од стандардните факултети, а исто така веќе неколку години бев заинтересиран за компјутерските мрежи кои на другите факултети не се изучуваа и затоа кога дојде мојот момент на одлука, што понатаму со моето образование, ја одбрав токму Академијата на ИТ, Александрија и двегодишните студии за компјутерски мрежи.
Претходно се обидов со класични студии на Земјоделскиот факултет во Скопје.  По природа сум потемпераментен и не го сакам стариот систем на образование што сеуште е застапен кај нас. Разликата со Александрија е огромна. Ако научиш за испит, во Александрија ќе положиш сигурно, а на нашите факултети шансите ти се 50-50. Искрено се чувствував како во средно училиште, по начинот на комуникација, имаше многу дружење и прекрасно си поминав.

Најголем впечаток во текот на студирањето ми оставија предавањата. Атмосферата на часовите беше опуштена, а сепак најголем дел од материјалот го учиш на самиот час, и за се’ што не ти е јасно на располагање ти стојат инструкторите. Поздрав до нив.

Во моментов работам “НЕКСКОМ“- новиот фиксен оператор, на позиција Технички специјалист. Поточно сега работам со телефони и телефонски централи, а подоцна кога ќе ја ставиме мрежата за WiMax Интернет ќе работам како администратор. Работам од понеделник до петок од 9:00-17:00, во канцеларија, во мојот град Тетово. Добив на поклон лаптоп и мобилен телефон од фирмата. Сега за сега е супер. Би му посакал на секој да најде ваква работа.

Но, да нагласам да го немав знаење стекнато во Александрија, немаше да го поминам ни интервјуто а не да ја добијам работата.
Друга работа што морам да ја признаам е дека Академијата многу се грижи за своите студенти. Кога студирав на мене и на моите колеги ни обезбеди пракса во неколку ИТ компании а по завршувањето на студиите редовно ми пристигнуваат mail-ови за секое слободно работно место за мојата струка.
И затоа на идните студенти им ја Александрија како мое лично искуство како за моето знаење што го стекнав така и за моето вработување.

  Кристијан Петрески, A+ Professional, CIW Associate, CIW Professional, CIW Web Master, CCNA
студиска програма: мрежен техничар
учебна година: 2006/2007

Мојата обука во Александрија беше насочена кон стручноста што е потребна за мрежен техничар. Беа опфатени неколку предмети кои ми го дадоа потребното знаење за да станам Cisco Certified Network Administrator (материја поделена на четири засебни делови каде што е опфатен широк спектар на знаење поврзано со фундаменталните мрежни концепти, конфигурација и инсталација на рутери, спроведено со практични примери и вежби кои го симулираат паботното опкружување) потоа Certified Internet Webmaster (предмет поделен на три наставни дела поврзани со уметноста на дизајн на веб страни, изучување на XHTML и негова примена, алатки од типот на MS FrontPage и Adobe Dreamweaver, како и програмските јазици Perl и JavaScript) како и предметот CompTIA A+, поврзан со основите на работата на компјутерските системи.

Александрија како избор првенствено се случи поради фактот дека компјутерската наука и индустрија се во се' поголем подем и работната сила која што е потребна за задоволување на потребите во модерното општество изгледа виртуелно неисцрпна. Друг показател за мојата определеност беше стручната и техничката подготвеност на кадарот вработен во Академијата и условите кои ги задоволуваа за работна атмосфера.

Особен впечаток за време на студиите ми остави подготвеноста на професорите кои несебично го делеа своето знаење, опремата за практична работа во училниците, работната атмосфера, материјалите кои ни беа понудени за натамошен едукативен равој...
Од друга страна Александрија несебично продолжи да се грижи за своите студенти, навремено и задоволително сум известуван за секоја нова можност за работа.

Од мое позитивно искуство, би им препорачал на сите што се заинтересирани својата иднина да ја градат како професионални компјутерски техничари, дизајнери, администратори, од Александрија можат да очекуваат професионална обука и поддршка како за време на студиите така и по нивното завршување.