Младинска Академија на ИТ
  Што е тоа Младинска Академија на ИТ?

Младинска Академија на ИТ е вон-наставна, проектно базирана активност, наменета за средношколците кои се жедни за стекнување понапредни информатички знаења. Освен тоа, студиските програми на Младинската Академија на ИТ имаат цел да ги подготват учениците за градење возбудлива кариера во областа на ИТ. Истовремено, Младинската Академија на ИТ ги подготвува средношколците за нивниот следен чекор – академски или стручни студии.

  Наставна програма
Наставната програма е подготвена од големи тимови на едукатори, педагози, психолози, и се разбира, ИТ експерти на компаниите Adobe и Cisco, така што ги подготвува студентите за полагање испити со кои стекнуваат глобално признати професионални ИТ сертификати.
  Наставен кадар
Наставата на Младинската Академија на ИТ ја изведуваат искусни инструктори со повеќегодишно искуство во изведување ваков вид настава.
  Динамика на изведување на настава
Наставата на Младинската Академија на ИТ се изведува со динамика еднаш неделно (секоја сабота) по 3 школски часа се до крајот на учебната 2008/2009 година. Потоа, во јуни 2009 год., наставата продолжува со динамика 2 до 3 пати неделно, по договор, се’ до завршување на студиските програми.
  Почеток на настава
Наставата на Младинската Академија на ИТ ќе започне на 24 декeмври 2008 година.
  Школарина
Студиска програма во готово на рати
Визуелен дизајн: Основи на дизајн и печатарска продукција 19.000 ден 8 рати по 2.500 ден
Дигитален дизајн: Основи на веб дизајнот 19.000 ден 8 рати по 2.500 ден
ИТ основи: PC хардвер и софтвер 19.000 ден 8 рати по 2.500 ден
Вклучено во школарината:
Комплет работни материјали и ваучер за полагање на 1 (еден) испит.
  Испити и сертификација
По завршување на студиските програми посетителите полагаат финален испит и стекнуваат соодветен сертификат. Испитите се полагаат на компјутер под надзор на сертифициран тест администратор. Кандидатите кои успешно ќе го положат испитот сертификатот го добиваат по пошта во рок од 3-4 недели.
  Рокови за пријавување

Пријавувањето на учениците се врши најдоцна до 21.01.2009 и тоа:

  • преку веб страната на академијата, www.alexandria.com.mk, или
  • лично, во просториите на Александрија
  Услови за запишување, следење настава и полагање испит
Во Младинската Академија на ИТ може да се запише секој средношколец. Услов за запишување е познавање на англискиот јазик. Во моментот на запишувањето се потпишува Договор за школување со еден од родителите на ученикот. Услов за следење настава и полагање финален испит е навремено подмирување на трошоците за школување.