Во времето во кое живееме информационата технологија (ИТ) е таа која ја движи светската економија и ги поврзува луѓето, идеите и капиталот. Денешните компании не би можеле да преживеат, ниту би биле она што се' без ИТ професионалците. Затоа, не се изненадувачки резултатите на многу истражувања според кои кариерата во оваа област спаѓа во групата најперспективни. И, што е уште поважно, тоа нема да се смени ниту во наредните десетина години.

Се' до пред извесно време сите оние кои сакаа да се подготват за кариера во ИТ имаа само една опција - академското образование. Академскиот пристап е добар, но има свои недостатоци: наставата е премногу теоретска а премалу практична.

Тоа го знаат и студентите и работодавците. Од друга страна, најважниот играч - работодавците имаат сосема поинакви барања.

Неодамна изведените истражувања во нашава земја само го потврдија фактот дека работодавците бараат луѓе кои поседуваат практични знаења од одредена област, сето тоа потврдено со индустриски сертификати.

• пократко времетраење на студиите (најмногу 2 год.)
• наставната програма е направена според опис на работно место
• наставата е претежно практична
• испитните прашања ги подготвува индустријата
• испитите се изведуваат на компјутер со што се елиминира секаква можност за субјективност, мито и корупција.

Почнувајќи од оваа година, составен дел на студиите на Академијата станува и курсот на Cisco – Starting a Business. Овој курс ги подготвува студентите за тоа како знаењата стекнати од било која студиска програма да ги искористат за да започнат и успешно водат сопствен бизнис, а за најдобрите 3 студенти во соработка со СИНТЕФ, норвешка истражувачка организација обезбеден е и награден фонд во висина од 2000 евра.